امت نیوز ڈیسک//
راجوری : سرحدی ضلع راجوری میں سیکورٹی فورسز نے ایک کمین گاہ کو تباہ کردیا۔ ضلع راجوری کے سب ڈویزن تھنہ منڈی کے دوردراز پہاڑی علاقہ درہ کے جنگلاتی علاقہ میں سیکورٹی فورسز کی جانب سے جاری تلاشی مہم کے دوران ملیٹینٹوں کی کمین گاہ تو تباہ کردیا ہے۔
سیکوریٹی فورسس نے زنگ آلود آئی ای ڈی و دیگر کھانے پینے کی اشیا بھی برآمد کی تاہم سیکورٹی فورسز نے اسی جنگلاتی علاقہ میں ان زنگ آلودہ مواد کو ناکارہ بنادیا۔ ابھی بھی سب ڈویزن تھنہ منڈی کےمختلف پہاڑی علاقوں میں سرچ آپریشن جاری ہے۔
ایک اہلکار نے بتایا کہ سیکورٹی فورسز نے منگل کو جموں و کشمیر کے راجوری ضلع کے ایک دور افتادہ علاقے میں ملی ٹینٹوں کے ایک ٹھکانے کا پردہ فاش کیا اور 10 انڈر بیرل گرینیڈ لانچرز و اسلحہ کو ضبط کیا۔
اہلکار نے بتایا کہ پولیس اور فوج کے مشترکہ تلاشی آپریشن کے دوران تھانہ منڈی علاقے کے درہ براچارا گاؤں میں اس ٹھکانے کا پتہ چلا۔ انہوں نے کہا کہ تلاشی کے دوران سیکوریٹی فورسس نے ایک تباہ شدہ گولہ بارود کا ڈبہ، ایک کمبل، ایک پلاسٹک کی ترپال، دوائیوں کے دو پیکٹ، کچھ برتن اور روزمرہ استعمال کی اشیاء بھی ضبط کیں۔ تاہم اہلکار نے کہا کہ ابھی تک کسی کو گرفتار نہیں کیا گیا
