امت نیوز ڈیسک //
سرینگر : وزیر اعلیٰ عمر عبداللہ کے مشیر ناصر اسلم وانی نے کہا ہے کہ وندے بھارت ٹرین سے نہ صرف سیاحت کے فروغ حاصل ہوگا بلکہ رابطے بڑھنے کے اعتبار سے بھی ٹرین ہمارے لئے سود مند ثابت ہوگی۔ انہوں نے کہا کہ دنیا میں جہاں کہیں بھی زمینی اور ہوائی رابطے بڑھے ہیں وہاں ترقی کے نئے دور کا آغاز ہوا ہے۔
ناصر اسلم وانی نے ان باتوں کا اظہار منگل کو میڈیاں نمائندوں کے ساتھ بات کرتے ہوئے کیا۔ انہوں نے کہاکہ ‘وندے بھارت ٹرین سے نہ صرف سیاحت کے اعتبار سے بلکہ رابطے کے تعلق سے بھی ہمارے لئے بہت ضروری ہے۔ دنیا میں جہاں جہاں سڑکوں، ریلویز، ہوائی کے زریعے زمینی رابطے بڑھائے گئے ہیں وہاں ترقی ہوئی ہے ’۔ انہوں نے کہا کہ آج کل کے دور میں کسی بھی علاقے کی ترقی کے لئے رابطہ بڑھانا اہم ہے اور ضروری بن گیا ہے۔
ناصر اسلم نے کہا جو بچے ہوائی کرایہ برادشت نہیں کرسکتے تھے وہ اب آرام سے ٹرین میں سفر کر سکتے ہیں اور ٹرین رابطے سے ائیر لائنز کی من مانیاں ختم ہوں گی اور کشمیر کے مختلف میوہ جا آرام سے باہر کی منڈیوں تک پہنچ سکتے ہیں۔
واضح رہے کہ رواں ماہ 6 جون اس وقت جموں وکشمیر کے لیے تاریخ دن بن گیا جب ملک کے وزیز اعظم نریندر مودی نے کٹرا سے سرینگر وندے بھارت ٹرین سروس کا افتتاح کیا۔وہیں انہوں نے اُدھم پور-سرینگر-بارہمولہ ریل لنک پروجیکٹ کے تحت تعمیر کیے گئے دنیا کے بلند ترین ٹرین برج ’چناب پل’ کا افتتاح کیا۔
