امت نیوز ڈیسک //
جموں، : شری سالانہ امرناتھ جی یاترا کے لئے ہفتے کی صبح سخت سیکورٹی بند وبست کے بیچ یاتریوں کا چوتھا قافلہ بھگوتی نگر بیس کیمپ سے کشمیر کے لئے روانہ ہوا۔سرکاری ذرائع نے بتایا کہ بھگوتی نگر بیس کیمپ سے ہفتے کی صبح 6 ہزار 9 سو 79 یاتریوں پر مشتمل ایک اور قافلہ 311 چھوٹی بڑی گاڑیوں میں بھگوتی نگر بیس کمیپ سے کشمیر کے لئے روانہ ہوا۔
انہوں نے کہا کہ ان یاتریوں میں 5 ہزار 1 سو 96 مرد، 1 ہزار 4 سو 27 خواتین، 24 بچے اور 3 سو 31 سا دھو اور سادھوئیں شامل تھیں۔ان کا کہنا ہے کہ 4 ہزار 2 سو 26 یاتری 161 گاڑیوں میں ننون بیس کیمپ کے لئے جبکہ 2 ہزار 7 سو 53 یاتری 151 گاڑیوں میں بالتل کیمپ کے لئے روانہ ہوئے۔
حکام نے بتایا کہ اس تازہ قافلے کے ساتھ اب تک جموں بیس کیمپ سے 24 ہار 5 سو 28 یاتری کشمیر کے لئے روانہ ہوئے ہیں۔واضح رہے کہ جموں و کشمیر کے لیفٹیننٹ گورنر منوج سنہا نے 2 جولائی کو بھگوتی نگر بیس کیمپ سے یاتریوں کے پہلے قافلے کو جھنڈی دکھا کر روانہ کیا تھا۔امسال 38 دونوں پر محیط یہ پوتر یاترا 9 اگست کو رکشا بندھن کے موقع پر اختتام پذیر ہوگی۔
