امت نیوز ڈیسک //
وسطی ضلع بڈگام میں پولیس اسٹیشن کے باہر ٹرانسفار دھماکے کے نتیجے میں پولیس کانسٹبل جاں بحق ہو گیا۔ حکام نے بتایا کہ کانسٹیبل جس کی شناخت الطاف احمد بٹ کے نام سے ہوئی ہے، پولیس اسٹیشن کے مین گیٹ پر ڈیوٹی انجام دے رہا تھا کہ قریبی ٹرانسفارمر کے قریب اچانک دھماکہ ہوا، جس سے وہ بے ہوش ہو گیا۔
اسے فوری طور پر ہسپتال لے جایا گیا جہاں ڈاکٹروں نے اسے بچانے کی کوشش کی تاہم کچھ ہی دیر بعد وہ زندگی کی جنگ ہار بیٹھا۔ پولیس نے ضروری طبی قانونی طریقہ کار شروع کر دیا ہے ، اور مزید تفتیش جاری ہے۔
