امت نیوز ڈیسک //
واشنگٹن: امریکی صدر ڈونلڈ ٹرمپ عالمی پلیٹ فارم مسلسل یہ بات رکھنے کی کوشش کر رہے ہیں کہ ان کی مداخلت سے ہی بھارت پاکستان جنگ رکی، تاہم اب انہوں نے ایک نیا دعویٰ کیا ہے۔ انہوں نے پاکستان کے موقف سے ملتا جلتا دعویٰ کرتے ہوئے کہا کہ اس جنگ کے دوران پانچ طیارے مار گرائے گئے۔
امریکی صدر ٹرمپ نے وائٹ ہاؤس میں ری پبلکن اراکین کانگریس سے خطاب کرتے ہوئے کہا کہ ٹرمپ نے کہا، ‘ہم نے بہت سی جنگیں روکیں اور یہ سنگین تھیں، بھارت اور پاکستان کے درمیان کیا چل رہا تھا۔ وہاں سے طیارے گرائے جا رہے تھے۔ میرے خیال میں درحقیقت پانچ جیٹ طیارے مار گرائے گئے۔ یہ دو ملک بڑی ایٹمی طاقتیں ہیں اور ایک دوسرے پر حملہ کر رہے تھے۔’
حالانکہ ٹرمپ نے یہ نہیں کہا کہ پاکستان نے بھارت کے پانچ طیارے مار گرائے۔ ٹرمپ کے بیان سے یہ واضح نہیں ہے کہ اس جنگ کے دوران کس کے کتنے طیارے مار گرائے گئے تھے۔ خیال رہے کہ بھارت اور پاکستان دونوں نے ایک دوسرے کے طیارے مار گرانے کے دعوے کیے تھے۔
متعلقہ خبر: ‘آپریشن سندور میں ہماری فضائیہ نے کتنے طیارے کھوئے؟’ وزیر خارجہ کے بیان پر راہل گاندھی کا سوال
اسی کے ساتھ ٹرمپ نے ایک بار پھر تجارت کی مدد سے پاک بھارت تنازع روکنے کا دعویٰ کیا۔ امریکی صدر نے کہا کہ انہوں نے تجارتی معاہدے کی مدد سے کشیدگی کو بڑھنے سے روکا۔ خیال رہے کہ بھارت نے پہلے ہی واضح الفاظ میں اس کی تردید کر چکا ہے کہ اس لڑائی کو روکنے میں کوئی بیرونی طاقت ملوث نہیں ہے اور نہ ہی وہ کسی بیرونی ثالثی کو قبول کرے گا۔
ٹرمپ نے اپنے بیان میں کہا کہ ایٹمی ہتھیاروں سے لیس دو ممالک ایک دوسرے پر حملے کر رہے تھے۔ یہ جنگ کی ایک نئی شکل معلوم ہو رہی تھی۔ اس کے بعد انہوں نے ایران پر حملے کا بھی ذکر کیا۔ انہوں نے کہا، ‘آپ نے حال ہی میں دیکھا ہوگا کہ ہم نے ایران میں کیا کیا، جہاں ہم نے ان کی جوہری صلاحیت کو مکمل طور پر تباہ کر دیا۔’
مزید پڑھیں: پاکستان کا دہشت گرد نیٹ ورک کو ختم کرنے کا دعویٰ، پہلگام حملے سے لشکر طیبہ کے تعلق کی تردید
ٹرمپ نے یہ دعویٰ نیٹو کے سیکرٹری جنرل مارک روٹ سے ملاقات کے دوران بھی کیا۔ ٹرمپ نے کہا کہ ‘ہم جنگیں روکنے میں بہت کامیاب رہے ہیں۔’ ان کا مزید کہنا تھا کہ حالات کو دیکھتے ہوئے پاکستان ایک ہفتے کے اندر ایٹمی جنگ میں پڑ جاتا۔ یہ بہت بری طرح آگے بڑھ رہا تھا۔ تجارت کو ٹول کے طور پر استعمال کرنے کی اپنی حکمت عملی کی طرف اشارہ کرتے ہوئے، انہوں نے کہا کہ ہم نے یہ تجارت کے ذریعے کیا۔ ٹرمپ نے کہا کہ انہوں نے دونوں ممالک سے کہا کہ امریکہ اس وقت تک تجارت پر بات نہیں کرے گا جب تک آپ اس تنازع کو حل نہیں کر لیتے اور دونوں ممالک نے ایسا ہی کیا۔
