امت نیوز ڈیسک //
گزشتہ ہفتے بھارت پر 25 فیصد ٹیرف عائد کرنے کے اعلان کے بعد اب امریکی صدر نے بھارت پر مزید ٹیرف عائد کرنے کا اعلان کیا۔
سی این بی سی میں انٹرویو میں ڈونلڈ ٹرمپ نے کہا کہ اگلے چوبیس گھنٹوں میں بھارت پر مزید ٹریف میں اضافہ کیا جایے گا۔
انہوں نے کہا کہ بھارت کے بارے میں لوگ جو کہنا پسند نہیں کرتے وہ یہ ہے کہ وہ دنیا کا سب سے زیادہ ٹیرف لینے والا ملک ہے۔ ان کے ہاں سب سے زیادہ ٹیرف ہیں۔ ہم بھارت کے ساتھ بہت ہی کم کاروبار کرتے ہیں کیونکہ ان کے ٹیرف بہت زیادہ ہیں۔
بھارت ایک اچھا تجارتی شراکت دار نہیں رہا، کیونکہ وہ ہم سے بہت سا کاروبار کرتا ہے، لیکن ہم ان کے ساتھ کاروبار نہیں کر پاتے۔ تو ہم نے 25 فیصد ٹیرف پر سمجھوتہ کیا، لیکن میرا ارادہ ہے کہ اگلے 24 گھنٹوں میں اس میں بہت زیادہ اضافہ کروں، کیونکہ وہ روسی تیل خرید رہے ہیں۔ وہ جنگی مشین کو ایندھن دے رہے ہیں۔ اور اگر وہ ایسا کریں گے تو پھر میں خوش نہیں رہوں گا۔
