امت نیوز ڈیسک //
جموں، 14 اگست: جموں و کشمیر کے کشتواڑ ضلع میں ہندوؤں کی عبادت گاہ مچیل ماتا کے راستے چشوٹی علاقے میں بادل پھٹنے کا واقعہ پیش آیا جس کے بعد بڑی تباہی کی اطلاعات موصول ہورہی ہیں۔ بادل پھٹنے کا واقعہ اس وقت پیش آیا جب عقیدت مند خصوصی پوجا کےلئے مچیل جا رہے تھے۔
ابتدائی اطلاعات کے مطابق واقعے میں 12 افراد کے ہلاک ہونے کی تصدیق ہوئی ہے۔ ڈپٹی کمشنر اور ایس ایس پی کشتواڑ دونوں ریسکیو آپریشن کی نگرانی کے لیے علاقے کے لیے روانہ ہو گئے ہیں۔
چوسیٹی کشتواڑ میں بادل پھٹنے سے تباہی کے بعد فوری طور پر ریسکیو آپریشن شروع ہوگیا ہے۔ زخمیوں کو قریبی ہسپتال منتقل کیا جارہا ہے۔
لیفٹیننٹ گورنر منوج سنہا نے سول، پولیس، آرمی، این ڈی آر ایف اور ایس ڈی آر ایف کے عہدیداروں کو ہدایت دی گئی ہے کہ وہ بچاؤ اور راحت کے کاموں میں تیزی لائے اور متاثرین کو ہر ممکن مدد فراہم کرنے کو یقینی بنائیں۔
