امت نیوز ڈیسک /
سرینگر، 27 اگست: خراب موسم کے پیش نظر حکومت نے جموں و کشمیر بھر میں تمام تعلیمی ادارے کل (جمعرات) کے روز بند رکھنے کا فیصلہ کیا ہے۔
صحت و تعلیم کی وزیر، سکینہ اِیتو نے نیوز ایجنسی کشمیر نیوز آبزرور سے بات کرتے ہوئے کہا کہ جموں و کشمیر کے تمام اسکولز اور کالجز جمعرات کو بند رہیں گے۔
وزیر موصوفہ کے مطابق یہ فیصلہ خراب موسمی حالات کے باعث احتیاطی طور پر لیا گیا ہے۔
قابل ذکر ہے کہ جموں و کشمیر میں مسلسل بارشوں کی وجہ سے سیلاب جیسی صورتحال پیدا ہو چکی ہے، جہاں کشمیر میں دریائے جہلم اور دیگر ندی نالوں میں پانی کی سطح سیلابی انتباہی نشان سے اوپر جبکہ جموں ڈویژن میں خطرے کے نشان سے تجاوز کر چکی ہے۔
