امت نیوز ڈیسک //
سری نگر / جموں و کشمیر نیشنل کانفرنس (این سی) کے صدر ڈاکٹر فاروق عبد اللہ اور وزیر اعلیٰ عمر عبد اللہ نے پیر کو پارٹی کے بانی شیخ محمد عبد اللہ کو ان کی 43 ویں برسی پر شاندار خراج عقیدت پیش کیا۔
فاروق عبد اللہ وزیر اعلیٰ عمر عبد اللہ اور پارٹی کے سینئر رہنماؤں کے ہمراہ حضر تیل کے نسیم باغ میں واقع مزار پر پہنچے جہاں انہوں نے مرحوم کی قبر پر پھولچڑھائے اور فاتحہ خوانی کی۔ اس موقع پر قرآن خوانی اور خصوصی دعاؤں کا اہتمام بھی کیا گیا۔
اس دوران تقریب میں اسمبلی اسپیکر عبدالرحیم را تھر، وزیر اعلی کے مشیر ناصر اسلم وانی، جنرل سکریٹری علی محمد ساگر سمیت بڑی تعداد میں پارٹی کارکنان اور حامی بھی شریک ہوئے جنہوں نے اپنے قائد کی سیاسی و سماجی خدمات کو یاد کیا۔ تقریب کے دوران مقررین نے کہا کہ مرحوم رہنما کی سوچ اور مشن کو جاری رکھنا وقت کی اہم ضرورت ہے تاکہ ریاست میں امن، ترقی اور خوشحالی کو فروغ دیا جا سکے۔
