امت نیوز ڈیسک //
بانہال، 8 ستمبر : بانہال علاقے کے چملواس میں جموں-سرینگر قومی شاہراہ پر ایک پل کے نیچے تین لاشیں برآمد ہوئی ہیں جن میں دو کمسن بچے بھی شامل ہیں، حکام نے پیر کو بتایا۔
کشمیر نیوز کارنر کو حکام نے بتایا کہ شاہراہ پر پل کے نیچے لاشیں دیکھنے کے بعد پولیس اور ریسکیو ٹیمیں فوری طور پر موقع پر پہنچ گئیں۔
ایک افسر کے مطابق برآمد شدہ لاشوں میں دو کمسن بچے اور ایک خاتون شامل ہیں۔
ہلاک شدگان کی شناخت کی جا رہی ہے جبکہ تحقیقات جاری ہیں اور مزید تفصیلات کا انتظار ہے، انہوں نے مزید کہا۔ (کے این سی)
