امت نیوز ڈیسک //
جموں و کشمیر کیبل کار کارپوریشن کے مطابق گلمرگ گونڈولا 22 ستمبر سے 29 ستمبر تک سالانہ معائنہ اور مرمت کے لئے بند رہے گا۔
جے کے سی سی سی کے ایک عہدیدار نے بتایا کہ یہ عارضی بندش ایک معمول کی حفاظتی کارروائی ہے جو ہر سال کی جاتی ہے تاکہ دنیا بھر میں مشہور اس کیبل کار سروس کو محفوظ اور ہموار طریقے سے چلایا جا سکے۔
سرکاری بیان میں کہا گیا: "گونڈولا 22 ستمبر سے 29 ستمبر تک طے شدہ سالانہ معائنہ اور دیکھ بھال کی وجہ سے بند رہے گا۔ اس سے ہونے والی تکلیف پر ہمیں افسوس ہے۔”
گلمرگ گونڈولا، جو ایشیا کا سب سے بڑا اور بلند ترین کیبل کار منصوبہ ہے، روزانہ سیکڑوں سیاحوں کو اپنی جانب کھینچتا ہے اور کشمیر کے نمایاں سیاحتی مقامات میں شمار ہوتا ہے۔
