منجہ کوٹ، راجوری میں چیتے کے حملے میں لڑکی شدید زخمی، اسپتال منتقل

امت نیوز ڈیسک //
راجوری، 23 نومبر : منجاکوٹ علاقے میں ایک 19 سالہ لڑکی ہفتہ کی شام جنگلی جانور، جو ممکنہ طور پر ایک چیتا بتایا جا رہا ہے، کے حملے میں شدید زخمی ہوگئی۔

افسران نے نیوز ایجنسی کشمیر نیوز کارنر کو بتایا کہ یہ واقعہ 22 نومبر کی دیر شام پیش آیا جب حیات پورہ منجاکوٹ کی رہائشی 19 سالہ لڑکی پر چیتے نے حملہ کر دیا۔

اہلِ خانہ نے فوری طور پر زخمی لڑکی کو طبی امداد کے لیے جی ایم سی راجوری منتقل کیا، جہاں وہ زیرِ علاج ہے۔ (کے این سی)