امت نیوز ڈیسک //
سرینگر: راجوری ضلع کے سرانو گاؤں سے تعلق رکھنے والے تین کم عمر لڑکے ہفتہ کی دوپہر اپنے گھروں سے لاپتہ ہوگئے ہیں، ذرائع نے بتایا۔
سرکاری ذرائع کے مطابق لاپتہ نوجوانوں کی شناخت شاداب احمد ولد راشد محمود، اسرار احمد ولد طالب حسین اور مہتاب احمد ولد الطاف حسین کے طور پر ہوئی ہے۔
ذرائع نے بتایا کہ یہ لڑکے دن میں آخری بار نظر آئے تھے، اور ان کی اچانک گمشدگی نے اہل خانہ اور مقامی لوگوں میں شدید تشویش پیدا کر دی ہے۔
انہوں نے کہا کہ اس سلسلے میں پولیس نے مقدمہ درج کرکے تفتیش شروع کر دی ہے۔ (کے این سی)
