امت نیوز ڈیسک //
سرینگر، 03 دسمبر : وزیراعلیٰ عمر عبداللہ نے کہا ہے کہ جموں و کشمیر کے عوام سے کیے گئے وعدوں کے مطابق ریزرویشن پالیسی کو معقول اور متوازن بنانے کی کوشش کی گئی ہے۔
جموں میں کابینہ میٹنگ کے بعد صحافیوں سے بات کرتے ہوئے عمر عبداللہ نے کہا کہ کابینہ نے پوری کوشش کی کہ کسی کے ساتھ ناانصافی نہ ہو۔
انہوں نے کہا کہ جن لوگوں نے حکومت پر ریزرویشن کے حوالے سے کچھ نہ کرنے کا الزام لگایا تھا، اب وہی لوگ احتجاج کی دھمکیاں دے رہے ہیں۔
عمر عبداللہ کے مطابق معاملے پر تفصیلی مشاورت کی گئی ہے اور کابینہ کی ذیلی کمیٹی نے اس پر چھ ماہ تک کام کیا۔
تاہم انہوں نے کابینہ کے حتمی فیصلے کی تفصیلات بتانے سے انکار کیا اور کہا کہ معاملہ اب لیفٹیننٹ گورنر کے پاس بھیجا جائے گا۔
