امت نیوز ڈیسک //
سرینگر، 7 جنوری : کاؤنٹر انٹیلیجنس کشمیر نے بدھ کے روز وادی کشمیر میں 22 مقامات پر چھاپے مارے، جن میں سرینگر کے 15 سے زائد مقامات شامل ہیں۔
یہ کارروائی مبینہ مُول بینک اکاؤنٹس کے ذریعے سائبر فراڈ اور ملی ٹنسی کی فنڈنگ کی تحقیقات کے سلسلے میں کی گئی۔
حکام کے مطابق یہ چھاپے ایک جاری تحقیقات کا حصہ ہیں، جن کا مقصد غیر قانونی رقوم کی منتقلی میں ملوث افراد اور نیٹ ورکس کی نشاندہی کرنا ہے۔ کارروائی کے دوران ڈیجیٹل آلات اور اہم دستاویزات ضبط کی گئیں۔
مزید تفصیلات کا انتظار ہے۔
