امت نیوز ڈیسک //
سرینگر:سجاد غنی لون نے پیپلز کانفرنس کے صدر کے عہدے کا حلف لیا۔ چئیرمین الیکشن اتھارٹی سید بشارر بخاری نے سجاد غنی لون کو بدھ حلف دلایا ۔حلف برداری کی تقریب میں پارٹی کی اعلی قیادت کے علاوہ جنرل کونسل کے درجنوں ممبران نے شرکت کی۔
اس موقعے پر سجاد غنی لون نے اپنے خطاب میں کہا کہ جموں وکشمیر اس وقت نازک اور تکلیف دہ دور سے گزر رہا ہے ایسے میں انہوں نے موجودہ دور کو سیاسی طور پر ان چلینجوں کے سامنے کے لیے منفرد قرار دیا جو کہ آج جموں وکشمیر میں قیادت کے مختلف طبقات کو درپیش ہیں۔
انہوں نے کہا کہ پارٹی کی قیادت کا مطلب نوجوانوں کو بچانا ہے اور قیادت کا تقاضا ہے کہ وہ عوام سے سچ پولے۔ جموں وکشمیر کے لوگوں خاص کر نوجوانوں کے مفادات کا تحفظ موجودہ دور میں پیپلز کانفرنس کے لئے سب سے بڑا چلینج ہے اور پارٹی کشمیر کے ایک عام شہری کو نشانہ بننے سے بچانے کے لیے ہر ممکن کوشش کریں گی۔
واضح رہے پیپلز کانفرنس کے صدر سجاد غنی لون بلامقابلہ پارٹی کے صدر منتخب کئے گیے ہیں۔پارٹی صدر کے عہدے کے لیے 8 نامزدگیاں موصول ہوئی تھیں ۔جس میں سجاد غنی لون کو متفقہ طور پر تمام ارکان کی جانب سے صدر منتخب کیا گیا۔
الیکشن اتھارٹی نے 19 اکتوبر کو مذکورہ انتخابات کے شیڈول کا اعلان کیا تھا۔ جس کے ساتھ کاغذات نامزدگی وصول کرنے کی آخری تاریخ 30 اکتوبر مقرر کی گئی تھی۔
