امت نیوز ڈیسک //
جموں و کشمیر کے سابق وزیر اعلیٰ فاروق عبداللہ نے جموں کے اکھنور میں گزشتہ روز عوامی جلسے سے خطاب کرتے ہوئے لوگوں کو ان سیاسی لیڈروں کے بارے میں خبردار کیا جووادی میں مذہبی تفریق پیدا کرنے کی کوشش کر رہے ہیں۔ فاروق عبداللہ نے اپنے خطاب میں کہا بھگوان رام ہر ایک کا ہے، نہ صرف ہندوؤں کا۔ عبداللہ نے کہا، میں آپ سے درخواست کرتا ہوں کہ اس کا شکار نہ ہوں۔
انہوں نے مزید کہا کہ جتنے بھی مذاہب ہیں ان میں کوئی بھی جھوٹ بولنایا عصمت دری کرنے کی ترغیب نہیں دیتا۔ انہوں نے لوگوں سےا پیل کی وہ اپنے بچوں کو مذہب کی تعلیمات دیں۔
