امت نیوز ڈیسک //
بارہمولہ:جموں وکشمیر کے شمالی ضلع بارہمولہ کے بونیار اوڑی علاقے میں بھاری برف باری کے بیچ دردزہ میں مبتلا خاتون کو فورسز اہلکاروں نے چار پائی پر اُٹھا کر ہسپتال پہنچایا۔
دفاعی ذرائع نے بتایا کہ ڈوگر ڈویژن کو اطلاع موصول ہوئی کہ اوڑی کے دور افتادہ علاقے سموالی بونیار میں ایک حاملہ خاتون کو مدد کی ضرورت ہے۔انہوں نے کہا کہ فوجی اہلکار فوری طور پر جائے موقع پر پہنچے اور خاتون جس کی شناخت گلشن بیگم کے بطور ہوئی ہے کو چارپائی پر اُٹھا کر پرائمری ہیلتھ سینٹر منتقل کیا۔
واضح رہے کہ اس سے پہلے اوڑی کے چوٹوالی گاوں میں فوج نے درد زہ میں مبتلا خاتون کو ہسپتال پہنچایا تھا۔بتادیں کہ وادی کشمیر میں بدھ کی صبح سے ہی پہاڑی اور بعض میدانی علاقوں میں برف باری کا سلسلہ جاری ہے جس وجہ سے کئی علاقوں میں لوگوں کو مشکلات کا سامنا کرنا پڑرہا ہے اور بالائی علاقوں میں روڈ منقطع ہوگئے ہے۔
