امت نیوز ڈیسک //
سی پی آئی (ایم لیڈر محمد یوسف تاریگامی نے پیر کو کہا کہ جموں و کشمیر میں حد بندی کے عمل کو چیلنج کرنے والی ایک عرضی کو سپریم کورٹ کی جانب سے خارج کیے جانے سے لوگوں کی مایوسیوں کی طویل فہرست میں اضافہ ہو گیا ہے۔ انہوں نے کہا، "حد بندی پر سپریم کورٹ کے فیصلے کے بارے میں کہنے کو زیادہ کچھ نہیں ہے اس کے علاوہ یہ جموں و کشمیر کے لوگوں کے لیے ایک اور مایوسی ہے”۔ انہوں نے کہا کہ جموں و کشمیر تنظیم نو قانون کے تحت حد بندی کے عمل کو انجام دینا نا قابل قبول ہے۔ گپکار اتحاد کے ترجمان نے کہا، ” یہ صرف نام کی حد بندی ہے۔انہوں نے جموں و کشمیر کے لوگوں کے اتحاد کو عملی طور پر درہم برہم کر دیا ہے ۔۔ بتادیں کہ سپریم کورٹ نے پیر کو جموں و کشمیر میں قانون ساز اسمبلی اور لوک سبھا نشستوں کو دوبارہ ترتیب دینے کے لیے حد بندی کمیشن کی تشکیل کے حکومت کے فیصلے کو چیلنج کرنے والی ایک عرضی کو مسترد کر دیا ہے۔ جسٹس ایس کے کول اور جسٹس اے ایس او کا کی بینچ نے کشمیر کے دور ہائشیوں کی طرف سے دائر درخواست پر فیصلہ سنایا۔ تاریگامی نے کہا کہ آرٹیکل 370 کی منسوخی اور تنظیم نو کے قانون کو سپریم کورٹ کے سامنے چیلنج کرنے والی کئی عرضیاں تھیں لیکن ان کی سماعت نہیں ہو رہی تھی۔
