امت نیوز ڈیسک //
جموں و کشمیر میں محکمہ فائر اینڈ ایمرجنسی سروسز میں بے ضابطگیوں پر اُمیدواروں نے بدھ کے روز سرینگر کے پریس کالونی میں احتجاج درج کیا۔
مظاہرین کا کہنا تھا کہ محکمہ فائر اینڈ ایمرجنسی سروسز میں مختلف اسامیوں کے بھرتی عمل کے دوران بڑے پیمانے پر بے ضطگیاں کرکے اہل اُمیدوراوں کی حق تلفی کی گئی ہے۔
یہاں نامہ نگاروں سے بات کرتے ہوئے انہوں نے کہا کہ 2012، 2018 اور گزشتہ سال امیدوار لگاتار دھوکہ دہی کے شکار ہو رہے ہیں چونکہ محکمہ کے بھرتیوں میں ان تمام سالوں میں گھپلے ہوئے ہے۔
مظاہرین کا کہنا تھا کہ گزشتہ سال دسمبر میں فائر اینڈ ایمرجنسی سروسز میں مختلف اسامیوں کے بھرتی عمل مبینہ بے ضابطگیوں کی تحقیقات کےلئے اگر چہ ایڈیشنل چیف سکریٹری ہوم آر کے گوئل کی سربراہی میں3 رکنی پینل تشکیل دی گئی تھی جبکہ انکوائری کمیٹی کو رپورٹ پیش کرنے کے لئے ایک ماہ کا وقت دیا گیا تھا تاہم کمیٹی کی جانب سے کئی ماہ گزر جانے کے بعد بھی تحقیقاتی رپورٹ منظر عام پر نہیں آیا ہے۔
