جناب عالی!
گزارش یوں ہے کہ آپ اور آپ صاحب کے گرد تمام آفیسران بالا اس بات سے بہ خوبی واقف ہیں کہ ہمارے ڈسٹرکٹ بانڈی پورہ میں کشمیر فارسٹ ٹریننگ اسکول کا سب سے پُرانا تعلیمی اور تربیتی ادارہ ہے۔ 1911ء میں اس ادارے کو کھولا گیا۔ 1911ء سے آج تک اس ادارے نے بہت سی خدامات انجام دی۔ ہر سال فارسٹرس اور فارسٹ گارڑز کی بڑی بڑی جماعتوں نے فارسٹ ڈپارٹمنٹ کی تربیت حاصل کرکے بہت بڑی خدمات انجام دی۔ اس ادارے کے بہت سے تربیت یافتہ افراد محکمے کے بہت بڑے عہدوں پر فائز رہے ہیں اور بہت سے ابھی بھی دن رات کام کررہے ہیں۔ جنگلات کی تحقیقات کرکے اس ادارے نے شان بڑھائی ہے۔ ہم یوں سمجھتے ہیں کہ اگر ریاست جموں و کشمیر کے جنگلات اور جنگلاتی وسائل کے تحفظات میں کسی ادارے کا بڑا رول ہے وہ ہے کشمیر فارسٹ ٹرینگ سکول چترنار بانڑی پورہ ہے جس کی بدولت پورے جموں وکشمیر کے محکمہ جنگلات کے ملازمین نے اپنی قابلیت اور ہنرمیں اضافہ کیاہے۔ لیکن بدقسمتی سے ملازمین اور علاقے کی یہ شکایت رہتی ہے کہ پوری وادی میں سب سے پُرانا ادارہ ہونے کے باوجود اس ادارے کو کوئی خاص توجہ حاصل نہ ہوئی۔ اس ادارے کو کوئی بڑا درجہ حاصل نہ ہوا۔لوگوں کی شکا یت ہے کہ پچھلے چند سالوں میں فارسٹ ٹرئنگ ا سکول میں کوئی رینج آفیسر پڑھانے کے لئے تعائنات نہیںکیا گیاہے۔صرف جونئیر فارسٹر اس تعلیمی نظام کو چلانے کے لئےمامور ہیں جو تربیت حاصل کرنے والے آفیسروں کے ساتھ بڑی ناانصافی ہے۔اس ادارے سےہر سال فارسٹر صاحبان کا ایک بڑا عملہ تربیت حاصل کرتے تھےمگر بد قسمتی سے پچھلے چند سالوں سے کوئی فارسٹر ادارے سے تربیت حاصل نہ کر سکا۔شکایت یہ بھی ہے کہ فارسٹ گارڈز کو بہتر ٹرینگ کے لئے ادارے میں کوئی معقول انتظام نہیں ہے۔
اس ضمن میںآپ جناب اور دیگر متعلقہ آفیسران بالا سے گزارش کی جاتی ہے کہ اس ادارے کی جانب خاص توجہ دے کر بہت بنایا جائے، تربیت پانے والے ملازمین کو وردی، کھانے پینے وغیرہ جیسے ضروری اشیاء فراہم کی جائیں تاکہ ملازمین اپنی صلاحیتوں اور ہنر میں اضافہ کرکے محکمہ جنگلات کو مزید ترقی دے سکیں۔
ازجانب
فکر مندانِ ادارہ
