امت نیوز ڈیسک //
ضلع ریاسی کے بھوماغ علاقے میں اتوار کے روز سڑک کے ایک حادثے میں 3 مسافر ہلاک ہوئے۔
پولیس نے حادثے کی تصدیق کرتے ہوئے بتایا کہ یہ حادثہ بھوماغ علاقے کے کرگ علاقے میں پیش آیا جہاں پر ایک ایکو کار سڑک سے پھسل کر گہری کھائی میں جاگری جس کی وجہ سے تین افراد بنام (48) کرنیل سنگھ ولد تیرتھ رام ساکن ٹوٹ بھوماغ، (63) نسیب سنگھ ولد سوہان مل ساکن کرگ بھوماغ اور (33) موہن لال ولد سورم چند ساکن دیوی گڑھ ریاسی ہلاک ہوئے ہیں۔
پولیس کا کہنا ہے کہ اس سلسلے میں ایک کیس درج کرکے مزید تفتیش شروع کردی گئی ہے۔
