امت نیوز ڈیسک //
03 مئی: جنوبی کشمیر کے اننت ناگ ضلع کے بجبہاڑہ کے مرہامہ علاقے میں بدھ کے روز ایک نوجوان کو چاقو مار کر زخمی کر دیا گیا۔ ایک اہلکار نے نیوز ایجنسی – کشمیر نیوز آبزرور (کے این او) کو بتایا کہ زخمی نوجوان کی شناخت عادل احمد بٹ ولد محمد امین بٹ ساکنہ کھلپورہ مرہامہ کے طور پر کی گئی ہے جس پر اس کے آبائی علاقے میں چاقو سے حملہ کیا گیا۔
انہوں نے بتایا کہ واقعے میں عادل کو سینے میں چوٹیں آئیں جس کے بعد اسے اسپتال منتقل کیا گیا جہاں اس کی حالت مستحکم بتائی جاتی ہے۔
ادھر ذرائع کا کہنا ہے کہ پولیس نے واقعے کا نوٹس لے لیا ہے اور حملہ آور کی شناخت کر لی گئی ہے اور اس کی گرفتاری کے لیے کوششیں جاری ہیں۔
