(نئی دہلی) جموں وکشمیر میں دفعہ 370کے خاتمہ کے بعد اب تک 366جنگجو ، 96عام شہری اور 81سیکورٹی فورسز اہلکار ہلاک ہوئے، کی بات کرتے ہوئے مرکزی وزارت داخلہ نے کہا کہ کشمیر سے کوئی بھی کشمیر پنڈت واپس نہیں گیا ہے جبکہ سرما کے موسم کے پیش نظر وہ جموں اور دیگر ریاستوں کو منتقل ہوتے ہیں۔ راجیہ سبھا میں ایک سوال کے جواب میں مرکزی وزرات داخلہ ننتن آندائے نے بتایا کہ جموں وکشمیر کی خصوصی پوزیشن کے خاتمہ کے بعد وہاں مکمل طور پر امن ہے۔ انہوں نے کہا کہ جب سے جموں وکشمیر سے دفعہ 370کا خاتمہ کیا گیا تو 366جنگجو ، 96عام شہری اور 81سیکورٹی فورسز اہلکار ہلاک ہو گئے ہیں۔ انہوں نے مزید کہا کہ جموں کشمیر میں دفعہ کی منسوخی کے بعد وہاں اقلیتی طبقہ بھی محفوظ ہے اور آج سے کشمیر میں کوئی بھی کشمیر پنڈ ت حالات کی وجہ سے کشمیر سے واپس نہیں گیا ہے تاہم موسم سرما کی وجہ سے کچھ کشمیر پنڈٹ اپنے عیال سمیت دیگر علاقوں میں منتقل ہو گئے ہیں جن میں جموں اور دیگر قابل ذکر ہے۔ انہوں نے کہا کہ کچھ آفیسران جو سیول سیکرٹریٹ میں تعینات ہے اور اس وجہ سے وہ کشمیر سے جموں منتقل ہو گئے ہیں۔ انہوں نے کہا کہ جموں وکشمیر کی خصوصی پوزیشن کے خاتمہ کے بعد پانچ اگست 2019سے 30نومبر 2021تک 366جنگجو ، 96عام شہری اور 81سیکورٹی فورسز اہلکار ہلاک گئے ہیں۔ انہوں نے مزید کہا کہ جموں کشمیر میں حالات کو بہتر بنانے کیلئے مرکزی سرکار کی کوششیں جاری ہے اور جموں کشمیر میںامن کی بحالی کیلئے سیکورٹی فورسز پر مصروف عمل ہے۔
