(سرینگر) ڈویژنل کمشنر کشمیر پی کے پول کا کہنا ہے کہ سرما کے دوران لوگوں کو برقی رو فراہم کرنے کی خاطر جموں وکشمیر انتظامیہ نے زمینی سطح پر اقدامات اُٹھائے ہیں۔ انہوں نے کہا کہ سبھی اضلاع میں بجلی کے کھمبے، تار اور ٹرانسفارمر ایڈوانس میں ہی جمع کئے گئے ہیں تاکہ برف باری کے دوران اگر کسی علاقے میں ٹرانسفارمر ناکارہ ہو جائے تو اُس کی فوری طورپر مرمت کی جا سکے۔ ان باتوں کا اظہار ڈویژنل کمشنر کشمیر نے سرحدی ضلع کپواڑہ کے لولاب میں عوامی دربار سے خطاب کے دوران کیا۔
