امت نیوز ڈیسک //
سری نگر، 26 جولائی: جموں و کشمیر کی حکومت نے گرمائی دارالحکومت سری نگر میں 8 محرم کے جلوسوں کو باضابطہ طور پر اجازت دے دی ہے، ڈویژنل کمشنر کشمیر وجے کمار بدھوری نے بدھ کو کہا ہے۔
جی این ایس سے بات کرتے ہوئے وجے کمار بیدھوری نے کہا کہ جلوس کو روایتی راستے سے صبح 6 بجے سے صبح 8 بجے تک دو گھنٹے تک جانے کی اجازت ہوگی۔ انہوں نے کہا کہ یہ فیصلہ موجودہ صورتحال کے تمام پہلوؤں کو مدنظر رکھتے ہوئے کیا گیا ہے۔
قابل ذکر بات یہ ہے کہ جلوس شہید گنج سے ڈلگیٹ تک کے روایتی روٹ پر لے جایا جائے گا – ایک ایسا راستہ جہاں سے 1989 سے امن و امان کی صورتحال کے پیش نظر جلوسوں کی اجازت نہیں دی گئی۔(جی این ایس)
