امت نیوز ڈیسک //
پلوامہ: جموں وکشمیر میں عسکریت پسندوں کے مدد کرنے والے افراد پر قومی تحقیقاتی ایجنسی کی جانب سے کاروائیاں جاری ہے،جس کے تحت ایجنسی کی جانب سے آئے روز جموں وکشمیر کے محتلف مقامات پر چھاپہ مار کاروائیاں انجام دی جارہی ہیں۔ اس سلسلے کو جاری رکھتے ہوئے قومی تحقیقات ایجنسی نے آج ضلع پلوامہ کے رہمو علاقے میں چھاپہ مار کارروائی کی، یہ چھاپہ مار کارروائی صبح سے ہی شروع کی گئی۔ پولیس اور سی آر پی ایف کی مدد سے چھاپہ مارا گیا۔ اطلاعات کے مطابق یہ چھاپہ مار کارروائی محمد اشرف کے گھر پر ماری گئی۔ اس دوران کاغذات کی چھان بین اور موبائل و دیگر الیکٹرانک چیزوں کی جانچ کی گئی۔
وہیں کاؤنٹر انٹیلی جنس کشمیر نے ضلع کے تین مختلف مقامات پر چھاپہ مار کارروائی انجام دی جس میں دربگام، کریم آباد ،آینگُنڈ شامل ہے۔ یہ بات قابلِ ذکر ہے کہ عسکری سرگرمیوں میں ملوث افراد اور ان کی عسکری سرگرمیوں میں مدد کرنے والے افراد کے گھر پر چھاپے مار کارروائی انجام دی جارہی ہیں۔ وہیں قومی تحقیقاتی ایجنسی کی طرف سے جنوبی کشمیر کے شوپیان ضلع میں تازہ چھاپہ مار کاروائیاں جاری ہے۔ یہ چھاپے کس مقصد سے ڈالے جارہے ہیں اس حوالہ سے ابھی تک کوئی بیان سامنے نہیں آیا ہے ۔ ابتدائی معلومات کے مطابق این آئی اے نے ضلع کے دچھی پورہ علاقے میں ساقب احمد ولد محمد مقبول کی رہائش گاہ پر چھاپے مارے اور تلاشی لی۔
