امت نیوز ڈیسک //
سری نگر، یکم جنوری : جموں و کشمیر اپنی پارٹی کے سابق چیف ترجمان جاوید حسن بیگ کو پارٹی مخالف سرگرمیوں میں مبینہ طور پر ملوث ہونے پر پیر کو برطرف کر دیا گیا۔
بیگ کی برطرفی کا اعلان پارٹی جنرل سکریٹری رفیع احمد میر نے ضلع کمیٹی بارہمولہ کی طرف سے بیگ کے ‘پارٹی مخالف سرگرمیوں میں ملوث ہونے’ کی معلومات کا حوالہ دیتے ہوئے کیا۔
بیان میں کہا گیا ہے کہ "چونکہ یہ پارٹی کے بنیادی آئین کے خلاف ہے، اس لیے انکی بنیادی رکنیت ختم کر دی جاتی ہے، اور اسے 5 سال کی مدت کے لیے پارٹی سے نکال دیا جاتا ہے”۔
ادھر خبریں گردش کر رہی ہیں کہ بیگ آنے والے دنوں میں پھر سے واپس پی ڈی پی جوائن کر سکتے ہیں۔
