امت نیوز ڈیسک //
مینڈھر// سیکورٹی فورسز نے علاقے میں مشتبہ نقل و حرکت کی اطلاعات کے بعد جمعہ کو پونچھ ضلع کے کئی دیہاتوں میں محاصرےاور تلاشی کی کارروائیاں شروع کیں۔
پولیس ذرائع نے بتایا کہ مینڈھر سب ڈویژن کے سرحدی سیکٹر کے
دیہات میں کاروائیاں جاری ہیں۔
اُنہوں نے بتایا کہ علاقے سے مشکوک نقل و حرکت کی اطلاع ملی تھی، جس کے بعد مشتر کہ آپریشن شروع کئے گئے۔ اس سلسلے میں
مزید تفصیلات کا انتظار ہے۔
اس سے قبل بدھ کو بھی سیکورٹی فورسز نے پونچھ ضلع کے مینڈھر کےکسبلاڑی گاؤں اور منڈی کے متعدد دیہات میں محاصرے اور تلاشی کاروائیاں انجام دیں تھیں۔ بتادیں کہ پونچھ کے بفلیاز ڈی کے جی علاقے میں گزشتہ سال دسمبر میں ہوئے حملے میں فوجی اہلکاروں کی ہلاکت کے بعد ضلع بھر میں تسلط کو بڑھا دیا گیا ہے اور سیکورٹی فورسزہائی الرٹ پر ہیں۔
