امت نیوز ڈیسک //
دہلی// نیشنل انویسٹی گیشن ایجنسی این آئی اے نے ہفتہ کے روز ایک نابالغ کو گرفتار کیا ہے جو گزشتہ سال جنوری میں جموں و کشمیر کے ضلع راجوری کے ڈھانگری گاؤں میں پانچ شہریوں کے قتل میں ملوث ملی ٹینٹوں کو پناہ دے رہا تھا۔
این آئی اے نے بتایا کہ نابالغ سی سی ایل کو اتفاق سے آبزرویشن ہوم آر ایس پورہ جموں میں ایک اور کیس میں گرفتار کیا گیا تھا، جو پولیس سٹیشن گورسائی، مینڈھر، ضلع پونچھ میں درج کیا گیا ہے، اسے این آئی اے نے کل اپنی تحویل میں لے لیا اور ریمانڈ کے لیے جوونائل جسٹس بورڈ، راجوری کے سامنے پیش کیا۔
مذکورہ حملہ یکم جنوری 2023 کو ہوا تھا اور اس میں اقلیتی ہندو طبقہ سے تعلق رکھنے والے پانچ افراد ہلاک اور متعدد شدید زخمی ہوئےتھے۔ مقدمہ ابتدائی طور پر پولیس تھانہ راجوری میں درج کیا گیا تھا۔ این آئی اے نے 13جنوری کو کیس کو اپنے ہاتھ میں لیا تھا اوردوبارہ رجسٹر کیا تھا۔ این آئی اے کی تحقیقات سے یہ بات سامنے آئی ہے کہ گرفتار کیا گیا نابالغ دو دیگر پہلے ہی گرفتار افراد نثار احمد عرف حاجی نثار اور مشتاق حسین عرف چاچا کے ساتھ مل کر ملی ٹینٹوں کو پناہ دینے میں ملوث تھا جنہوں نے یہ خوفناک حملہ انجام دیا تھا۔ نثار احمد اور مشتاق حسین کو NIA نے 31 اگست 2023 کو گرفتار کیا تھا اور اس وقت سینٹرل جیل، کوٹ بھلوال، جموں میں بند ہیں۔ دونوں نے دو ماہ سے زائد عرصے تک دہشت گردوں کو لاجسٹک سپورٹ فراہم کی اور انہیں ایک ایسے ٹھکانے میں پناہ دی جو انہوں نے پاکستان میں مقيم لشکر طیبہ کے ہینڈلرز یعنی سیف اللہ عرف ساجد جٹ، ابو قتال عرف قتال سندهی اور محمد قاسم کی ہدایت پر بنایا تھا۔
تحقیقات کے دوران این آئی اے کے اہلکاروں کی ایک ٹیم نے جموں و کشمیر کے راجوری پونچھ ایک ٹیم نے جموں و کشمیر کے راجوری پونچھ اور ریاسی اضلاع کے پہاڑی علاقوں میں باقاعدگی سے ڈیرے ڈالے تھے تاکہ اس جرم کے اصل مجرموں کی تلاش کی جا سکے۔ ٹیم نے بڑی تعداد میں مشتبہ اداروں کا معائنہ کیا اور بعد ازاں مذکورہ ملزمان کو حراست میں لے لیا گیا جنہوں نے ملی ٹینٹوں کو لاجسٹک سپورٹ فراہم کی تھی۔
کیس کی تحقیقات ابھی جاری ہیں۔
