امت نیوز ڈیسک //
سری نگر، 01 جون :- وسطی کشمیر کے ضلع سری نگر کے زیون علاقے میں ہفتہ کو ایک پولیس اہلکار اپنا ہتھیار صاف کرتے ہوئے زخمی ہونے کے بعد دم توڑ گیا۔
ایک اعلیٰ پولیس افسر نے سری نگر کی خبر رساں ایجنسی کشمیر اسکرول کو بتایا کہ سینٹر آرمر ورکشاپ کے ایک ہیڈ کانسٹیبل بشیر احمد جو اس وقت زیون میں تعینات ہیں، زیون میں ہتھیار صاف کرتے ہوئے گولی لگنے سے زخمی ہوئے۔
انہوں نے کہا کہ زخمی کو 92 بیس ہسپتال سری نگر منتقل کیا گیا جہاں وہ زخموں کی تاب نہ لاتے ہوئے چل بسا۔ دریں اثناء پولیس نے نوٹس لیتے ہوئے تفتیش شروع کر دی ہے۔
