امت نیوز ڈیسک //
سری نگر، 15 جون : بارہمولہ ضلع کے پٹن علاقے میں ایک خوفناک سڑک حادثے میں بائک پر سوار دو افراد کی موت ہو گئی۔
ابتدائی اطلاعات کے مطابق، ایک موٹر سائیکل جس کا نمبر JK09-7294 تھا، پٹن کے علاقے تاپر پائین کے مقام پر حادثے کا شکار ہو گیا، جس کے نتیجے میں موٹر سائیکل پر سوار دونوں افراد شدید زخمی ہو گئے۔
عینی شاہدین کے نے جی این ایس کو بتایا کہ جلد ہی دونوں کو ٹراما ہسپتال پٹن پہنچایا، جہاں تھوڑی دیر بعد دونوں نے دم توڑ دیا۔
اس کی تصدیق کرتے ہوئے، بی ایم او پٹن ڈاکٹر محمد طحہ خان نے جی این ایس کو بتایا کہ دونوں کی لاشیں (ٹراما) ہسپتال میں پڑی ہیں۔ انہوں نے کہا کہ ہم نے اسے متعلقہ خاندانوں تک پہنچا دیا ہے۔ اس دوران معلوم ہوا ہے کہ مرنے والوں میں سے ایک کا تعلق کپواڑہ ضلع کے ہندواڑہ سے ہے اور دوسرے کا تعلق پنجاب کے موہالی سے ہے۔
مزید تفصیلات کا انتظار ہے۔ (جی این ایس)
