امت نیوز ڈیسک //
سری نگر: جموں و کشمیر کے محکمہ اعلیٰ تعلیم نے جمعہ کو کشمیر کے تمام گورنمنٹ ڈگری کالج اور جموں ڈویڑن کے سرمائی زون کے علاقوں میں 15 جولائی سے گرمائی تعطیلات کا اعلان کیا۔
خبر رساں ایجنسی- کشمیر نیوز آبزرور (کے این او) کے مطابق محکمہ ہائر ایجوکیشن کے پرنسپل سیکرٹری آلوک کمار نے ایک حکم نامے میں کہا کہ چھٹیاں جولائی 15 سے 24 جولائی تک منائی جائیں گی۔
حکمنامے کے مطابق "کشمیر صوبے اور جموں صوبے کے سرمائی زون میں آنے والے تمام سرکاری ڈگری کالجوں میں 15 جولائی 2024 سے 24 جولائی تک موسم گرما کی تعطیلات ہوں گی۔”
