امت نیوز ڈیسک /
ہمارے ملک کی سرحدیں پوری طرح محفوظ ہیں اور جو کوئی بھی سرحدوں سے دراندازی کی کوشش کرتا ہے، سیکورٹی فورسز دشمن کو منہ توڑ جواب دینے کی صلاحیت رکھتی ہیں کا اعلان کرتے ہوئے مرکزی وزیر مملکت برائے داخلہ نیتی آئند رائے نے کہا کہ رائے نے مزید کہا کہ وزیر اعظم نریندر مودی کی قیادت اور حوصلہ افزائی اور وزیر داخلہ امیت شاہ کی رہنمائی میں پیرا ملٹری فورس مضبوط ہوئی ہے۔سی این آئی کے مطابق مرکزی وزیر مملکت برائے داخلہ نیتی آئند رائے نے بی ایس ایف کی 78ویں بٹالین کے ساتھ وادی گریز کے بانڈی پورہ ضلع میں ہند پاک سرحدی علاقے میں آگے کی چوکیوں کا دورہ کیا۔ جس دوران انہوں نے وہاں سیکورٹی صورتحال اور آپریشنل تیاریوں کا جائزہ لیا ۔ اس موقعہ پر انہوں نے وہاں تعینات فوجی اہلکاروں کے ساتھ بات چیت بھی کی اور ان کی حوصلہ افزائی کی ۔ نیتی آئند رائے نے سرحدوں کی صورتحال کا تفصیلی جائزہ لیا اور پاکستان سے لگنی والی سرحد کے اُس پار ہو رہی حرکات اور کارورائیوں کی جانکاری حاصل کر لی ۔ اس موقعہ پر انہوں نے میڈیا سے بات کرتے ہوئے کہا کہ چونکہ ہمارے جوان ملک کی سرحدوں کی حفاظت میں مصروف ہیں، اسی وجہ سے ہم وطن محفوظ ہیں۔رائے نے کہا کہ وزیر اعظم نریندر مودی جی کی قیادت اور حوصلہ افزائی اور وزیر داخلہ امیت شاہ کی رہنمائی میں پیرا ملٹری فورس مضبوط ہوئی ہے۔رائے نے مزید کہا ”ہماری سرحدیں پوری طرح محفوظ ہیں اور جو کوئی بھی سرحدوں سے دراندازی کی کوشش کرتا ہے، سیکورٹی فورسز دشمن کو منہ توڑ جواب دینے کی صلاحیت رکھتی ہیں۔ “ دورے کے دوران جموں و کشمیر وزیر داخلہ نتیا نند رائے نے فوجیوں کے ساتھ بات چیت کی، ان کے ساتھ کھانا کھایا، اور سیکورٹی کی تیاریوں کا جائزہ لیا۔
