نوگام سرینگر میں 24سالہ نوجوان درخت سے لٹکتا ہوا پایا گیا

(سرینگر) نوگام سرینگر کے زونی پورہ علاقے میں جمعرات کی صبح ایک 24سالہ نوجوان درخت کے ساتھ لٹکا ہوا پایا گیا۔سرکاری ذرائع نے بتایا کہ نوجوان آج صبح درخت کے ساتھ لٹکا ہوا پایا گیا۔اُنہوں نے کہا کہ نوجوان کی شناخت توحید احمد سندرا ولد غلام محمد سندرا ساکن زونی پورہ نوگام کے طور ہوئی ہے، جو جنریٹر مکینک کے بطور کام کر رہا تھا. پولیس نے اس سلسلے میں تحقیقات شروع کردی ہیں۔