امت نیوز ڈیسک //
شمالی کشمیر کے بارہمولہ ضلع کے چیک تاپر کریری میں جمعہ کو عسکریت پسندوں اور سیکورٹی فورسز کے درمیان شدید فائرنگ کا تبادلہ ہوا۔
اطلاعات کے مطابق پولیس، فوج اور سی آر پی ایف کی مشترکہ ٹیم نے کریری میں محاصرے اور تلاشی کی کارروائی شروع کی۔
جیسے ہی فورسز کی مشترکہ ٹیم مشتبہ مقام کے قریب پہنچی تو چھپے ہوئے عسکریت پسندوں نے فورسز پر فائرنگ کردی جس سے فائرنگ کا تبادلہ شروع ہوگیا۔
ایک سینئر پولیس افسر نے بھی عسکریت پسندوں اور سیکورٹی فورسز کے درمیان فائرنگ کے تبادلے کی تصدیق کی۔
ذرائع کے مطابق دو سے تین عسکریت پسندوں کے پھنسے ہونے کا خدشہ ہے۔
