(شوپیاں) ضلع شوپیاں کے امشی پورہ علاقے میں فورسز اہلکاروں نے 2 سے 3 عسکریت پسندوں کو گھیرے میں لیا ہے، بعد ازاں فورسز نے جانکاری دی کہ اُنہوں نے دو جنگجوﺅں کو مار گرایا ہے۔ تفصیلات کے مطابق اس علاقے میں سرچ آپریشن جاری ہے۔ ایک پولیس اہلکار کے مطابق خفیہ اطلاع ملنے کے بعد فورسز اہلکاروں نے علاقے کا محاصرہ کر لیا اور وہاں تلاشی مہم شروع کی، جس دوران فائرنگ کا تبادلہ بھی ہوا۔اُنہوں نے بتایا کہ تصادم میں اب تک دو جنگجو مارے گئے ہیں، اُن کے قبضے سے بھاری مقدار میں اسلحہ و گولہ بارود برآمد کیا گیا ہے، وہیں علاقے میں بڑے پیمانے پر سرچ آپریشن جاری ہے۔
