امت نیوز ڈیسک //
جموں، 23 مارچ : اتوار کو کٹھوعہ ضلع میں عسکریت پسندوں اور سیکورٹی فورسز کے درمیان فائرنگ کے تبادلے میں ایک 7 سالہ بچی کو معمولی چوٹیں آئیں، حکام نے بتایا۔
انہوں نے بتایا ایک سات سالہ آنچل نامی لڑکی کو معمولی چوٹیں آئی ہیں۔ اسے قریبی اسپتالوں میں منتقل کیا گیا۔ ہیرا نگر میں عسکریت پسندوں کی موجودگی سے متعلق مخصوص اطلاعات کے درمیان پولیس، فوج اور سی آر پی ایف کی مشترکہ ٹیم نے محاصرے اور تلاشی کی کارروائی شروع کرنے کے بعد فائرنگ کا تبادلہ ہوا۔
جب فورسز کی مشترکہ ٹیم نے مشتبہ مقام کو گھیرے میں لیا تو چھپے ہوئے جنگجوؤں نے فورسز پر فائرنگ کی جس کا سیکورٹی فورسز کی مشترکہ ٹیم نے جوابی کارروائی کی۔
ایک سینئر پولیس افسر نے بھی جی این ایس کو عسکریت پسندوں اور سیکورٹی فورسز کے درمیان فائرنگ کے تبادلے کی تصدیق کی۔ ذرائع کے مطابق علاقے میں تین سے پانچ عسکریت پسندوں کی موجودگی کے بارے میں انٹیلی جنس اطلاعات ہیں۔ مزید تفصیلات کا انتظار ہے۔(جی این ایس)
