امت نیوز ڈیسک //
پیپلز ڈیموکریٹک پارٹی (پی ڈی پی) کی صدر اور سابق وزیر اعلیٰ محبوبہ مفتی نے پہلگام حملے کے بعد آج پارٹی کے مقامی کارکنوں اور مختلف وفود سے ملاقات کی۔ میٹنگ کے بعد میڈیا سے بات کرتے ہوئے انہوں نے کہا کہ امرناتھ یاتریوں کی حفاظت پہلگام کے مقامی لوگوں کی اولین ذمہ داری ہے۔
انہوں نے کہا کہ پہلگام کے لوگ ہمیشہ سے یاتریوں کے محافظ رہے ہیں اور اب بھی انہیں آگے آنا چاہئے اور پورے ملک کو بھائی چارے اور امن کا پیغام دینا چاہئے۔ محبوبہ مفتی نے مزید کہا کہ اس موقع پر ہمیں یکجہتی اور انسانیت کی مثال قائم کرنی ہے۔
انہوں نے مرکزی اور جموں و کشمیر حکومتوں سے اپیل کی کہ وہ پہلگام کی تمام بند پارکوں اور عوامی تفریحی مقامات کو فوری طور پر کھولنے کے احکامات جاری کریں تاکہ مقامی معیشت کو سہارا مل سکے اور سیاحت کو فروغ دیا جا سکے۔
