امت نیوز ڈیسک //
بانہال، 11 جولائی: ضلع رامبن کی اکھرل پوگل پارستان تحصیل میں آج شام ایک ٹاٹا سومو سڑک سے پھسل کر گہری کھائی میں گرنے سے چار مسافروں کی موت ہو گئی جبکہ دو دیگر شدید زخمی ہو گئے۔
حادثہ تحصیل اکھرال کے علاقے پرستان میں مدینہ مسجد ہل کے قریب سینابتی لنک روڈ پر پیش آیا اور گاڑی لنک روڈ سے 600 فٹ نیچے جاگری۔
بی ایم او اکھرال ڈاکٹر عبدالرحمن نے بتایا کہ کل چھ زخمیوں کو پی ایچ سی اکھڑل منتقل کیا گیا جن میں سے دو کو مردہ قرار دیا گیا۔ انہوں نے بتایا کہ پی ایچ سی اکھرال میں ابتدائی طبی امداد دینے کے بعد چار زخمیوں کو ایس ڈی ایچ بانہال ریفر کیا گیا جہاں ایک اور زخمی زخموں کی تاب نہ لاتے ہوئے چل بسا جس سے مرنے والوں کی تعداد تین ہوگئی۔
بعد میں ایک اور زخمی جی ایم سی اننت ناگ جاتے ہوئے راستے میں زخموں کی تاب نہ لاتے ہوئے دم توڑ گیا۔
پولیس نے مرنے والوں کی شناخت بدقسمت ٹاٹا سومو کے ڈرائیور اور مالک محمد رفیق گجر، پرستان پنچایت کے توقیر احمد بھٹ اور ضلع رامبن کی تحصیل اکھرال پوگل پارستان میں بنگارا پنچایت کے رہائشی عبداللطیف گجر کے طور پر کی ہے۔
حکام نے بتایا کہ دو زخمیوں کو جدید علاج کے لیے گورنمنٹ میڈیکل کالج (جی ایم سی) اننت ناگ ریفر کیا گیا ہے۔
