امت نیوز ڈیسک //
سری نگر، پی ڈی پی صدر محبوبہ مفتی نے اعلان کیا ہے کہ پارٹی نے "جموں و کشمیر لینڈ رائٹس اینڈ ریگولرائزیشن بل 2025” (اینٹی بلڈوزر بل) اسمبلی کے آئندہ اجلاس میں پیش کیا ہے۔
یہ بل اُن افراد، خاندانوں اور اداروں کو مالکانہ حقوق دینے کے لیے ہے جو گزشتہ 30 برسوں سے زمینوں پر قابض ہیں تاکہ بلاجواز بے دخلیوں کو روکا جا سکے اور معاشی استحکام یقینی بنایا جا سکے۔
محبوبہ مفتی نے کہا کہ گلمرگ سمیت کئی علاقوں میں لیز ختم ہونے کے باعث درجنوں ہوٹلوں کو حکومت کی جانب سے قبضے کے نوٹس ملے ہیں، جس سے سیاحت اور روزگار کو شدید نقصان پہنچ رہا ہے۔
انہوں نے مطالبہ کیا کہ حکومت عوام کے زمین کے حقوق کے تحفظ کے لیے یا تو پی ڈی پی کا پیش کردہ بل منظور کرے یا اپنا قانون لائے، جس کی پارٹی بھرپور حمایت کرے گی۔
