امت نیوز ڈیسک //
سرینگر: وزیراعلیٰ عمر عبداللہ نے جمعہ کو کہا کہ راجیہ سبھا کے چاروں انتخابات میں نیشنل کانفرنس کے تمام ووٹ محفوظ رہے۔
سوشل میڈیا پلیٹ فارم ایکس پر بیان دیتے ہوئے عمر عبداللہ نے لکھا،
"نیشنل کانفرنس کے تمام ووٹ چاروں انتخابات میں برقرار رہے، جیسا کہ ہمارے الیکشن ایجنٹ نے ہر پولنگ سلِپ دیکھ کر تصدیق کی۔ ہمارے کسی بھی رکن اسمبلی نے کراس ووٹنگ نہیں کی۔ اب سوال یہ ہے کہ بی جے پی کے چار اضافی ووٹ کہاں سے آئے؟ وہ کون سے ارکان اسمبلی تھے جنہوں نے جان بوجھ کر غلط ترجیحی نمبر لگا کر اپنے ووٹ کو ضائع کیا؟ کیا ان میں ہمت ہے کہ وہ سامنے آکر تسلیم کریں کہ انہوں نے بی جے پی کی مدد کی، حالانکہ انہوں نے ہمیں اپنے ووٹ دینے کا وعدہ کیا تھا؟ کس دباؤ یا لالچ نے انہیں یہ فیصلہ کرنے پر مجبور کیا؟ دیکھتے ہیں کہ کیا بی جے پی کی خفیہ ٹیم کا کوئی رکن اپنے ضمیر کا سودا کرنے کا اعتراف کرے گا!”
قابلِ ذکر ہے کہ چار نشستوں میں سے نیشنل کانفرنس نے تین حاصل کیں، جبکہ ایک نشست بی جے پی کے حصے میں گئی۔ (جی این)
