(پلوامہ) ضلع پلوامہ کے کاکاپورہ ریلوے اسٹیشن کے باہر چائے اسٹال پر نامعلوم مسلح افراد نے آف ڈیوٹی”ریلوے پروٹکشن فورس“ کے اہلکاروں پر حملہ کیا۔ حملے میں ایک آر پی ایف اہلکار ہلاک جب کہ ایک اور زخمی ہوا. تفصیلات کے مطابق مشتبہ عسکریت پسندوں نے ”ریلوے پروٹکشن فورس“ میں تعینات دو اہلکاروں پر نزدیک سے گولیاں چلائیں۔ حملے میں ایک اہلکار کی موقع پر ہی موت واقع ہوئی جب کہ دوسرے کو نازک حالت میں اسپتال منتقل کیا گیا۔
#Terrorists fired upon RPF personnel at Kakapora, #Pulwama. In this #terror incident, 02 RPF personnel sustained bullet injuries & were evacuated to hospital, where 01 RPF personnel succumbed & attained #martyrdom. Area cordoned off. Further details shall follow.@JmuKmrPolice
— Kashmir Zone Police (@KashmirPolice) April 18, 2022
پولیس نے واقعہ بارے میں ایک ٹویٹ میں بتایا کہ بتایا کہ پیر کی سہ پہر کو کاکہ پورہ پلوامہ میں مسلح افراد نے ”آر پی ایف “ میں تعینات دو اہلکاروں پر فائرنگ کی جس وجہ سے وہ شدید طورپر زخمی ہوئے۔انہوں نے بتایا کہ آس پاس موجود لوگوں نے زخمیوں کو علاج ومعالجہ کی خاطر نزدیکی اسپتال پہنچایا تاہم ڈاکٹروں نے ایک اہلکار کو مردہ قرار دیا جب کہ اُس کے ساتھی کو نازک حالت میں سرینگر ریفر کیا گیا ہے۔ ہلاک شدہ اہلکار کی شناخت ایچ سی سریندر سنگھ جب کہ ایس آئی دیو راج شدید زخمی ہوئے ہیں۔ فورسز نے آس پاس علاقوں کو محاصرے میں لے کر حملہ آوروں کی بڑے پیمانے پر تلاش شروع کی ہے۔ ذرائع نے بتایا کہ فوج، پولیس، اور سی آر پی ایف کی ایک بھاری جمعیت نے علاقے کو محاصرے میں لے کر گھر گھر تلاشی کارروائی کا آغاز کیا ہے۔
