امت نیوز ڈیسک //بانہال کی ایک بچی، جو دو دن پہلے معجزانہ طور پر بچ گئی تھی، سری نگر کے جی بی پنت ہسپتال میں آج دم توڑ بیٹھی۔
تفصیلات کے مطابق بچی کو سب ضلع ہسپتال بانہال میں مردہ قرار دیا گیا، تاہم مقامی لوگوں نے اسے علاقے میں دفنانے کے دوران زندہ پایا۔
نیوز ایجنسی- کشمیر نیوز آبزرور (کے این او) کے مطابق بچی کو فوری طور پر سری نگر کے جی بی پنت ہسپتال لے جایا گیا جہاں اس کا علاج چل رہا تھا۔
بچی کے والد بشارت حسین نے بتایا کہ بچی آج صبح ہسپتال میں دم توڑ گئی ہے۔
جی بی پنت کے میڈیکل سپرنٹنڈنٹ ڈاکٹر نذیر چودھری نے بتایا کہ آج بچے کی موت ہو گئی۔ انہوں نے کہا، "بچے کو پیدائش کے وقت کم وزن اور سانس کی تکلیف کی وجہ سے ہسپتال لایا گیا تھا”۔
قابل ذکر بات ہے کہ ایس ڈی ایچ میں مبینہ طور پر لاپرواہی کی وجہ سے لڑکی کے رشتہ داروں نے طبی عملے کے خلاف احتجاج کیا، جس سے بلاک میڈیکل آفیسر نے لیبر روم میں تعینات دو ملازمین کو معطل کرنے اور تحقیقات کا حکم دیا۔
ڈائریکٹر ہیلتھ سروسز جموں سلیم الرحمان نے واقعے کو سنجیدگی سے لیتے ہوئے ایک چار رکنی کمیٹی تشکیل دی اور اسے دو دن کے اندر رپورٹ پیش کرنے کو کہا ہے۔
