ماہ مئی میں رواں سال کی سب سے زیادہ انکاونٹر اور ہلاکتیں درج

امت نیوز ڈیسک //رواں برس ماہ مئی میں وادی کشمیر میں مختلف جگہوں پر جنگجوﺅں اور فوج کے مابین ہوئی 15تصادم آرائیوں میں 27جنگجوجاں بحق ہوئے ہیں۔ جبکہ اس ماہ مجموعی طور پر 36افراد لقمہ اجل بن چکے ہیں جن میں پانچ عام شہری اور 3پولیس اہلکار بھی شامل ہیں۔ مشترکہ فورسز نے وادی کشمیر میں 15 تصادم آرائیوں میں اس سال مئی میں چار دراندازوں سمیت ستائیس عسکریت پسند مارے گئے۔ دستیاب اعداد و شمار سے پتہ چلتا ہے کہ مئی میں تشدد آمیز واقعات میں 36 افراد اپنی جانوں سے ہاتھ دھو بیٹھے ہیں۔ ان میں 27 عسکریت پسند، 5 عام شہری، 3 پولیس اہلکار اور ایک فوجی پورٹربھی شامل ہیں۔ پانچ مقتول شہریوں میں سے، پنڈوشن شوپیاں کا ایک شاہد گنائی ڈار پنڈوشن انکاو ¿نٹر میں مارا گیا جب عسکریت پسند موقع سے فرار ہو گئے جبکہ ترکوانگام شوپیاں کے دوسرے شہری شعیب احمد گنائی کی ہلاکت نے احتجاج کو جنم دیا جسکے بعدحکام نے اس سلسلے میںمجسٹریل انکوائری کا حکم دیا۔ 27 عسکریت پسندوں کی ہلاکت رواں سال میں ایک ماہ میں ہونے والی سب سے بڑی تعداد ہے۔ اپریل میں یہ تعداد 24، جنوری میں 20، مارچ میں 13 اور فروری میں 7 تھی۔ ہلاک ہونے والے 27 عسکریت پسندوں میں سے 17 مقامی کشمیری اور پولیس کے مطابق 10 پاکستانی شہری تھے۔ بڈگام اور گاندربل کو چھوڑ کر وادی کشمیر کے تمام اضلاع میں عسکریت پسندوں اور مشترکہ فورسز کے درمیان جھڑپیں ہوئیں۔ جنوبی کشمیر کے اننت ناگ میں 4 انکاو ¿نٹر دیکھنے میں آئے جس کے بعد پلوامہ میں تین، کپواڑہ اور بانڈی پورہ میں دو دو جبکہ کولگام، شوپیاں، بارہمولہ اور سرینگر میں ایک ایک جھڑپ ہوئی ۔