امت نیوز ڈیسک // سرینگر نبی کریم ﷺ کی شان میں گستاخی کے بعد خطہ چناب میںکشیدگی کے بیچ پولیس نے احتجاجی مظاہروں میں نعرہ بازی کے الزام میں 9افراد کو گرفتار کر لیا جبکہ پانچ روز بعد کشتواڑ میں کرفیو میں پانچ گھنٹوں کی ڈھیل دی گئی ۔ پیغمبر آخر الزمان حضرت محمد ﷺ کی شان میں گستاخی کے بعد خطہ چناب کے کشتواڑ اور بھدرواہ علاقے میں مسلسل پانچ دنوں تک کرفیو سے جہاں معمول کی زندگی ٹھپ ہو کر رہ گئی وہیں انتظامیہ نے امن و امان کی صورتحال کو بگاڑنے کے الزام میںابھی تک 9افراد کو حراست میں لیا ۔ پولیس کے مطابق اتوار کے روزایک مقامی مسجد میں اشعتال انگیز تقریر کے الزام میں ایک شخص کی گرفتاری عمل میںلائی جبکہ احتجاج کے دوران نعرہ بازی کرنے کے الزام میں ابھی تک پولیس نے 9افراد کو حراست میں لیا ہے ۔ ادھر حکام کے مطابق سوموار کو کشتواڑ میں قریب پانچ گھنٹوں تک کرفیو میں ڈھیل دی گئی اور اس وقت کے دوران کوئی بھی نا خوشگوار واقعہ پیش نہیںآیا ۔انہوں نے کہا کہ سینئر پولیس اور سول افسران امن و امان کی صورتحال پر نظر رکھے ہوئے ہیں اور توقع ہے کہ بھدرواہ میں کرفیو میں منگل کو دیر سے شروع ہونے والے مرحلہ وار نرمی کی جائے گی۔حکام نے بتایا کہ کشتواڑ میں، دوپہر 1.30 بجے سے پانچ گھنٹے کے لیے کرفیو میں نرمی کی گئی، انہوں نے کہا کہ نرمی کے اعلان کے فوراً بعد دکانیں اور کاروباری ادارے کھل گئے۔بھی انتظامیہ نے ڈیڑھ گھنٹے کے لیے پابندیوں میں نرمی کی تھی اور کوئی ناخوشگوار واقعہ پیش نہیں آیا۔ عہدیداروں نے بتایا کہ اس دوران لوگوں کو بازاروں کی بھاری بھیڑ ضروری اشیاءخریدتے ہوئے دیکھا گیا۔انہوں نے کہا کہ بھدرواہ اور کشتواڑ دونوں میں احتیاطی اقدام کے طور پر براڈ بینڈ اور موبائل انٹرنیٹ خدمات بدستور معطل ہیں۔
