امت نیوز ڈیسک // وائٹ ہاؤس نے بتایا کہ وزیر اعظم نریندر مودی، امریکی صدر جو بائیڈن، اسرائیلی وزیراعظم نفتالی بینیٹ اور متحدہ عرب امارات (یو اے ای) کے صدر محمد بن زید النہیان اگلے ماہ منعقد ہونے والی آن لائن سمٹ ‘I2U2’ میں شرکت کریں گے اور غذائی تحفظ کے بحران اور تعاون کے دیگر شعبوں پر تبادلہ خیال کریں گے۔
وائٹ ہاؤس کے ایک سینئر اہلکار نے جو بائیڈن کے دورے کے بارے میں صحافیوں کو بتایا کہ نیا اقدام ورچوئلی طور پر شروع کیا جائے گا۔ انھوں نے مزید کہا کہ وہ اگلے ماہ صدر جو بائیڈن کے خطے کے دورے کے دوران بھارت، اسرائیل اور متحدہ عرب امارات کے ساتھ نئے چار ملکی مذاکرات شروع کرے گا۔ انہوں نے بتایا کہ چار ممالک کی اس آن لائن سمٹ کو ‘I2U2’ کا نام دیا گیا ہے، جس میں بھارت اور اسرائیل کو ‘I’ اور یو ایس و یو اے ای کو ‘U’ کے حرف سے ظاہر کیا گیا ہے، یہ نیا گروپ مغربی ایشیا پر توجہ مرکوز کریں گے۔ West Asia Quad I2U2قابل ذکر ہے کہ یہ اجلاس جو بائیڈن کے 13 سے 16 جولائی تک مغربی ایشیائی ممالک کے دورے کے دوران منعقد ہوگا۔ اس دوران جو بائیڈن اسرائیل، مغربی کنارے اور سعودی عرب کا دورہ کریں گے اور خطے و اس سے باہر کے کئی عالمی رہنماؤں سے ملاقات بھی کریں گے۔ اہلکار نے بتایا کہ ’’بائیڈن کے دورے کا پہلا مرحلہ اسرائیل ہے۔ بائیڈن کا بطور صدر اس ملک کا یہ پہلا دورہ ہوگا۔ وہ تقریباً 50 سال قبل ایک نوجوان پارلیمنٹرین کے طور پر اسرائیل گئے تھے۔ اہلکار نے کہا کہ یہ بائیڈن کے وژن کا حصہ ہے کہ ایک نازک وقت میں عالمی سطح پر تعلقات کو برقرار رکھا جائے۔
یہ بھی پڑھیں:بھارت، امریکہ، اسرائیل اور متحدہ عرب امارات نے نیا گروپ بنایاوائٹ ہاؤس کی قومی سلامتی کونسل کے ترجمان نے کہا کہ I2U2 کا افتتاح سیکرٹری آف اسٹیٹ انٹونی بلنکن نے اکتوبر 2021 میں کیا تھا۔ "I2U2 شراکت داروں کا ایک مکمل طور پر نیا گروپ ہے۔ یہ مشرق وسطیٰ اور ایشیا میں اقتصادی اور سیاسی تعاون کو بڑھانے پر توجہ مرکوز کرتا ہے، جس میں تجارت، موسمیاتی تبدیلیوں سے نمٹنے، توانائی میں تعاون اور دیگر اہم مشترکہ مفادات پر کوآرڈینیشن کیا جائے گا.
