امت نیوز ڈیسک : سرحدی ضلع کپواڑہ میں ایک حادثاتی گرینیڈ دھماکے میں ایک فوجی ہلاک ہو گیا۔ فوجی ترجمان کے مطابق فوجی سنتری بھارت یادوونشی گونی پورہ جکٹیال کیمپ میں ڈیوٹی کے دوران حادثاتی طور پر پھٹنے والے گرینیڈ کی زد میں آگیا۔ اگرچہ زخمی فوجی اہلکار کو کپواڑہ کے 428 فیلڈ ہسپتال زنگلی لے جایا گیا تاہم فوجی نے دوران علاج دم توڈ دیا۔
قانونی لوازمات پورا کرنے کے بعد فوجی کی لاش متعلقہ یونٹ کے حوالے کی جائی گی جہاں سے میت کو آخری رسومات کے لیے آبائی علاقہ بھیج دیا جائے گا۔ وہیں پولیس نے دفعہ 174 سی آر پی سی کے تحت کارروائی شروع کی۔
