کولگام: جنوبی کشمیر کے ضلع کولگام کے ناو پورہ میر بازار علاقے میں بدھ کی سہ پہر کو سکیورٹی فورسز اور عسکریت پسندوں کے مابین گولیوں کے تبادلہ میں دو عسکریت پسند ہلاک ہوگئے ہیں۔ پولیس کے ایک ترجمان نے بتایا کہ جنوبی ضلع کولگام کے ناو پورہ میر بازار علاقے میں عسکریت پسندوں کے چھپے ہونے کی ایک خاص اطلاع موصول ہونے کے بعد پولیس اور سکیورٹی فورسز نے اس علاقے کو اپنے محاصرے میں لے کر انہیں ڈھونڈ نکالنے کے لیے تلاشی کارروائی کا آغاز کیا۔
کولگام انکاؤنٹر میں ایک عسکریت پسند ہلاکپولیس ترجمان کے مطابق خود کو سکیورٹی فورسز کے گھیرے میں پاکر عسکریت پسندوں نے اندھا دھند گولیاں چلا کر فرار ہونے کی کوشش کی، تاہم سکیورٹی فورسز نے انہیں فرار ہونے کا کوئی موقع فراہم نہیں دیا اور اس طرح سے طرفین کے مابین جھڑپ شروع ہوئی۔
انہوں نے مزید بتایا کہ آس پاس علاقوں کو پوری طرح سے سیل کر دیا گیا ہے اور فرار ہونے کے سبھی راستوں پر پہرے بٹھا دیے گئے ہیں۔ ذرائع نے بتایا کہ علاقے میں دو سے تین عسکریت پسندوں موجود ہو سکتے ہیں۔ آخری اطلاع موصول ہونے تک تصادم میں دو عسکریت پسند ہلاک ہوگئے۔
قبل ازیں کشمیر پولیس زون نے انکاؤنٹر کے بارے میں تفصیلات فراہم کرتے ہوئے لکھا کہ کولگام کے ناو پورہ علاقہ میں سکیورٹی فورسز اور عسکریت پوندوں کے درمیان تصادم جاری ہے
