جموں و کشمیر: ضلع اننت ناگ کے قاضی گنڈ بدراگنڈ علاقہ میں امرناتھ یاتریوں سے بھری ایک بس حادثے کا شکار ہوگئی جس میں تقربیاً 14 یاتری زخمی ہو ئے ہیں۔
قاضی گنڈ میں یاترا گاڑی حادثہ کا شکار، کئی یاتری زخمیای ٹی وی بھارت سے بات کرتے ہوئے زخمی یاتریوں نے بتایا کہ ان کی بس میں 36 یاتری سوار تھے، بس کی ایک ٹرالر کے ساتھ ٹکر ہوئی جس کے نتیجہ میں تقریباً 14 یاتری زخمی ہو گئے ہیں۔ زخمی یاتریوں کو قاضی گنڈ ایمرجنسی ہسپتال منتقل کیا گیا، تاہم گہری چوٹ ہونے کے سبب 3 زخمیوں کو جی ایم سی منتقل کیا گیا۔تمام یاتریوں کی حالت مستحکم ہے۔ پولیس حادثہ کی جانچ کر رہی ہے۔
بتادیں کہ وادی کشمیر میں خراب موسمی صورتحال کے باعث حکام نے امرناتھ یاترا کو عارضی طور پر روک دیا گیا ہے۔ ایک عہدیدار نے ای ٹی وی بھارت کو بتایا کہ امرناتھ یاترا کو دونوں روٹس بال تل (گاندربل) اور نونہ ون (پہلگام) سے عارضی طور پر معطل کر دیا گیا ہے۔ حکام کے مطابق موسم میں بہتری کے بعد ہی یاتریوں کو آگے بڑھنے کی اجازت دی جائے گی.
